حوار من القلب

تعرفي قد أيه بحبك
لو حسيتي بكل كلمة حب لما أقولها لك
لو شوفتي دمعة شوق فى غيابك تنده عليكي
لو كلمتي الصمت بجنون لما باشتاق ليكي
لو توهتي في الغياب والعذاب لما يوحشني وجودك

تعرف قد أيه بحبك
قد حبات الرمال فى الصحاري
قد كل نهار يمر من زماني
قد كل طيف ليك يمر بخيالي
تعرف قد أيه بحبك
تعرف قد أيه بحبك قد دقات الساعات
قد عمري اللى جاي وقد اللى  فات
قد لحظات البعاد
قد احتياجي إلي لمستك وقت الغياب

تعرفي قد أيه بحبك
تعرفي قد أيه بحبك من كلامي لخيالك
من ضمتي لطيفك لما ينقل لي حنانك
من رجفة أوصالي و رعشة أفكاري من جنانك
تعرفي قد أيه بحبك من خوفي من غيرتك
من سكوني لما أجيب سيرتك
من بسمتك لما تجعلني تحت رحمتك
هو ده حبي ليكي

تعرف قد أيه بحبك
من رجوعك تاني ليا بعد الفراق
من ضعف قلبك لما أقولك ياحبيبي باشتياق
من لهفتي وشوقى وغيرتي عليك
لما تلمس غيري أيديك حتى لو بتسلم عليك
لو تعد كل دمعه فى الفراق
هو ده حبي ليك