ياه على الدنيا لما بتدي الواحد أمله
وتاخده فى ثانيه
ياه على الدنيا لمه تخلى الواحد طاير
فرحان بيها وماهوش سائل
تيجي فى لحظه وتهدم حلمه
وتوقعه وتحسره على خيبة أمله
ياه على الدنيا اللي معاه بيقول أنا عايز
طماع
لوطال هواء حايبيعه فى أزايز
حتى الصحه بيها مش فايز
كل فلوسه ماتشفى آلآمه
ويدوس على كل اللي يقابله
ويكنز ويجمع ماله
ويموت ولاتنفعه أعماله
ياه على الدنيا
اللي يادوب عايشه على قده
مش لاقى حتى رغيف عيش
بيشوف الدنيا بعيونه جميله ولازم تتعاش
وبيشكر وبيحمد ربه على الصحه
وعلى راحة باله
ياه على الدنيا لما تكون صادق يلوموك
وأما بتكدب يحترموك
دنيا غريبه الناس عايشها
مقلوبه واحنا وياها
ماهي كده دايما حال الدنيا
ليست هناك تعليقات:
إرسال تعليق