أنا مش اله علشان اسامح البشر
انا مش اله علشان املك القدر
انا مش ملاك احمي جنابك من الخطر
انا انسان مات من زمان لا له لاحس ولاخبر
انسان ضعيف الظلم خلاه من حجر
انسان دخل سباق مع الحياه لكن خسر
لو عايزني اسامح رجعولي
قلب طيب انصدم فيكم وانكسر
قلب داق منكم المراره وانحسر
رجعولي اصحاب كانو اكتر من خواتي لكن باعوني
رجعولي أحباب كانو عمري و حياتي لكن خانوني
رجعولي أيام جميله من جراحي ماعيشت هاش
رجعولي احلام ومستقبل ضاع بلاش
قبل ماانسى اهم حاجه رجعو صوتي
اللي انحبس اللي انخرس من ظلمكم
رجعولى تاني الكلام نفسي اسمع تاني صوتي
ماتطلبوش مني السماح على جرمكم
ربي قادر حايحاسبكم بذنبكم
مستحيل صعب اني اسامح اللي
ضاع مستقبلي
انا مش اله انا بشر
ليست هناك تعليقات:
إرسال تعليق